formannslíf

JK Rowling tjáði sig um nýtt slagorð sem Trans Rights Activist (TRA) hreyfingin hefur tekið upp og gefið í skyn að það sé hannað til að gera ,,konur hræddar."

Hún birti svar við myndbandi  Söruh Jane Baker, kvengervil (trans-konu), sem afplánar lífstíðardóm fyrir að ræna og pynta bróður stjúpmóður sinnar og tilraun til að myrða annan fanga.

Baker, 55 ára, lést næstum því eftir að hafa skorið af sér eigin eistu með rakvélablaði á bak við lás og slá árið 2017. Í myndbandinu stendur hann topplaus í miðri Whitehall, hindrar umferð og er umkringdur öðrum topplausum kvengervlum, þar sem hann öskrar ,,JK Rowling, vertu hrædd við okkur. Kellie-Jay Keen, vertu hrædd. Keir Starmer, vertu hræddur."

Rithöfundurinn svaraði: ,,Nýja slagorðið trans- aðgerðasinna ,,Vertu hræddur" er einfaldlega heiðarlegasta slagorð þeirra til þessa. Þeir hafa óskað þess að konur séu hræddar og þess vegna hótað þeim reglulega líkamsmeiðingum.

Áhugaverðara er, hvers vegna finnst ofbeldisfullum fyrrverandi fanga hann vera svo ósnertanlegur að hann geti gert þetta á almannafæri?"

Myndbandið birti X-notandinn Gerry Keogh, sem lýst er í ævisögu sinni sem ,,Glasgow strák í Brum." Hann sagði: ,,Vertu hræddur“ er hrollvekjandi ný mantra trans-samfélagsins."

Rowling sagði einnig: ,,Mig grunar að þeir telji að lögreglan taki ofbeldishótanir gegn konum ekki alvarlega. Þeir telja að lögreglunni þyki hótanir í garð kvenna ekki mikilvægar, jafnvel verðskuldaðar. Þeir telja að lögreglan sé með þeim í liði. Og þó að mér finnist lítið gaman að segja það, þá held ég að þeir hafi rétt fyrir sér."

Svo bætti hún háðslega við: ,,Svo viðkvæm. Svo kúguð. Svo jaðarsett."

Heimild

Nú streyma börnin úr grunnskólunum. Skólaslit verða á næstu dögum í flestum skólum. Börnin komin í tæplega 10 vikna sumarfrí. Þau gleðjast og kennarar með.

Þá er komið að endurmenntun margra kennara. Sumir nota hluta sumarsins í endurmenntunina. Ég hvet kennara sem þekkja ekki líffræðina nógu vel að mennta sig betur í henni. Kennara á öllum stigum.

Mennta sig til að miðla líffræðinni til barna í grunnskólanum.

Mennta sig til að segja satt, ekki ljúga að börnunum.

Kennarar kenna nemendum að segja sannleikann, gott og vel. Segja það gott nesti út í lífið. En mikilvægast er, að kennarar sem ástunda lygar í skólastofunni byrji á sjálfum sér. Læri að segja satt.

Hér geta kennarar, og forystusauðir Kennarasambandsins, tekið forskot á sæluna. Rætt er við prófessor í líffræði sem veit sínu viti. Viðtalið er virkilega gott. Áhugavert að hlusta á hvernig hægt er að greina beinin.

Smellið á krækjuna: Trans Ideology vs. Biology | Peter Boghossian & Luana S. Maroja

Trans aðgerðasinnar hafa kallað fólk, sem berst fyrir réttindum kvenna og barna, TERF (trans-exclusionary radical feminis), af því þeim líkar ekki málflutningur þeirra.

TERF sinnar segja frá staðreyndum, Telling Everybody Real Facts, og því er þetta réttari skýring á skammstöfuninni.

Það sem trans aðgerðasinnar átta sig hins vegar ekki á, er að margir bera TERF heitið með stolti. Það sýnir að þeir hinir sömu berjast fyrir réttindum sem á sér stað í raunveruleikanum, ekki ímynduðum veruleika einstaklinga.  

Biskup Íslands varð fyrir nettröllum af því hún vill viðhalda lyginni með börnin og kynóreiðuna svo hún getur rétt ímyndað sér hvaða skammt TERF-arnir fá frá trans-aðgerðasinnum sem hún þekkist.

Fór óvart á kvennaklósettið

Steve QJ segir (sjá heimild) frá því hvernig hann fór óvart inn á kvennaklósett. Konan sem var þar fyrir horfði á hann skelfingu lostin og ég ekki síður á hana segir hann. Bakkaði út. Þegar það rann upp fyrir henni að þetta var óviljaverk breyttist svipur hennar. Hún benti honum brosandi á hvar karlar létta af sér.

Baráttumál kvenna og TERF-ara

Baráttumál kvenna eru einkarýmin, fangelsi, salerni og baðherbergi. Steve segir frá hvernig honum datt í hug upplifun karla, sem skilgreina sig sem konur, þegar þeir opna baðherbergisdyrnar og sjá skelfingu lostna konu. En þeir eru ekki eins sáttir og hann við að ganga í burtu.

Enginn karlmaður á að fara inn í rými kvenna, það vita karlmenn. Karlmennskan segir okkur það segir Steve, karlmenn vita það. En samt eru alltaf einhverjir karlmenn sem komast upp með það að troða sér inn í kvennarými.

Getum við ekki sammælst um að kalla það eitraða karlmennsku eins og Páll Vilhjálmsson viðraði í bloggi sínu?

Flestir virða rétt kvenna til einkarýma. Því miður er það svo að einhverjum karlmönnum tekst að troða sér inn þar sem þeir eiga ekki heima og eru ekki velkomnir. Eina sem slíkir karlmenn þurfa er að sannfæra sjálfan sig um að konan sem varð skelfingu lostin sé bæði hatursfull, vond og þröngsýn. Ekki skemmir að bæta TERF við. Svo getur viðkomandi fundið meðreiðarsveina á netinu til að samþykkja álitið á konunni.

Tala hvor við annan

Steve bendir á nokkur ummæli karla um notkun kvennasalerna sem eru vísvitandi gerð til að fara yfir mörk kvenna.

,,Er einhverjum öðrum sem finnst óþægilegt við að nota kvennasalernið?" spyr einn notandi og viðurkennir að honum myndi ,,líða eins og algjöru skrípi" að nota kvennasalernið og notar kynhlutlausa aðstöðu í staðinn.

Eða ,,Ég notaði loksins kvennaklósettið í vinnunni...aðallega af illsku," segir annar, og segir söguna af því hvernig pirringur ,,staðalímyndar" boomer með þvinguðum fornöfnum var það sem hann þurfti til að sigrast á langvarandi óþægindum sínum við að nota kvennaklósettið í vinnunni (þetta þrátt fyrir að hafa líka kynhlutlausan valkost).

Og mitt persónulega uppáhald, ,,Hvernig byggðir þú upp hugrekki til að nota rétta baðherbergið?"

Ekki aðeins vegna þess að ein áreiðanlegasta vísbendingin um að þú notir ,,rétta" baðherbergið, er að það krefst ekki hugrekkis, heldur líka vegna þess að trans-konan sem um ræðir viðurkennir að hafa aldrei verið í hættu í karlaklefanum. Hann vill bara aðstoð við að vinna upp nógu sterka réttlætistilfinningu til að nota aðstöðu kvenna.

Og auðveldasta leiðin til að búa til þann rétt er að sannfæra sjálfan þig um að allir sem efast um þig séu skrímsli.

Rithöfundurinn

Þú heldur því fram að fólk eins og J.K. Rowling ,,hafi blóð á höndum sér" (eða hóti að nauðga og/eða drepa það) fyrir að þrjóskast við að benda á að konur séu til og að karlar ættu að halda sig utan þeirra rýma.

Þú segir sjálfum þér að það, að ganga inn á kvennaklósett sé ekki brot á mörkum heldur hugrekki.

Og þú sannfærir sjálfan þig um að konur, eins og sú sem vísaði mér inn á karlaklósettið, séu skiljanlega ekki ánægðar með nærveru ókunnugs manns, heldur ,,óska þér dauða" með því að biðja þig um að virða einföld, vel þekkt mörk (mörk sem eru svo rótgróin að þau eru skrifuð í þrjár aðskildar greinar Genfarsáttmálans).

Að trúa er ekki sama og vera

Vegna þess að ef þú trúir þessu öllu geturðu kannski platað sjálfan þig til að trúa því að vanlíðan þín snúist ekki um að þekkja muninn á réttu og röngu. Það er ekki vegna þess að þú þvingar þig inn á stað sem þú veist að þú átt ekki að vera á, heldur vegna þess að hver kona sem vogar sér að segja ,,nei" við þig er ,,meindýr" eða ,,skítur" eða ,,ómannlegur ruslahaugur"."

Ég viðurkenni að það er grimmt að gaslýsa lesbíur og láta þeim líða ,,líða eins og þær séu misheppnaðar" vegna þess að þær vilja ekki stunda kynlíf með hinu kyninu.

Ég vona að ég viðurkenni að það er grimmt og hættulegt að krefjast þess að konur bæli niður fullkomlega eðlilega vanlíðan sína gagnvart körlum sem fela sig á bak við lúxusviðhorf á sama tíma og þeir hóta þeim gróteskum lýsingum á ofbeldi og morði.

Kvennarými

Ástæðan fyrir því að við höfum kvennarými er til að bjóða konum næði og vernd gegn körlum sem hugsa svona. Rýmin eru til vegna þess að við vitum að af körlum starfar hætta með tilliti til kynferðisofbeldis og ofbeldið minnkar ekki ef karlarnir klæðast kjólum.

Svo til allra sem eiga í erfiðleikum með að skilja þetta, eða það sem verra er þeim sem er alveg sama, til allra sem telja að það sé ,,hysterískt" að vilja rými eingöngu fyrir konur, vinsamlegast ekki hika og hættið að nota einkarými kvenna.

Karlarnir eru þarna.

Heimild

Skrif Brynjars um Eld, formann Samtaka 22, eru orðin ansi pínleg, svo ekki sé meira sagt. Bloggari heldur að Brynjar elski Eld en þorir ekki að tjá hug sinn til hans og því bregðist hann svona við.

Kvennaþing er opið öllum

Nú reynir Brynjar að saka þann sem hann elskar, um að mæta óboðinn á Kvennaþing árið 2025. Til að bæta gráu ofan á svart segir blaðamaðurinn að Eldur hafi dreift áróðursmiðum. Sem sagt sannleikanum. Það kallar Brynjar blaðamaður Mannlífs áróður. Sannleikurinn er áróður. Lægra leggjast blaðamenn ekki eða?

Það sem stóð á umræddum miðum, sem aumingjans blaðamaðurinn kallar áróður, er:

Björgum STELPUSTRÁKUNUM og Björgum STRÁKASTELPUNUM.

Þetta eru kjörorð samkynhneigðra víða um heim til að vekja athygli á trans- væðingu barna sem eru hugsanlega samkynhneigð.

Á Kvennaþinginu, sem var öllum opið, var ekki þétt setinn bekkurinn. Rétt um 40 hræður mættu til að hlusta á áróður trans Samtaka 78. Ekki það, Brynjar á í ákveðnu ástarsambandi við þau samtök. Hann hefur sýnt það í öllum skrifum sínum. Nema karlinn sé á launum hjá þeim til að rægja aðra. Kann að vera, þekki það ekki. Málshátturinn segir; ,,Vér eplin með, sögðu hrossataðskögglarnir.“

Haturssamtök eru það ekki

Rétt hjá Brynjari, samtökin 22 hafa verið kölluð haturssamtök. Það er ekki sama og að vera það. Misgáfaðir einstaklingar sem þola ekki að heyra sannleikann um kynjaóreiðuna kalla samtökin þetta og fá svo menn, sem eru ekki skörpustu hnífarnir í skúffunni, til liðs við sig til að bera út óhróðurinn.

Samtökin 22 eiga ekkert skylt við haturssamtök. Bloggari skilur vel að Eldur hafi ekki viljað svara spurningum Brynjars sem á í ástar/haturs sambandi við hann. Fyrr má nú rota en dauðrota. Eldur er skynsamari en svo.

Brynjar gerir sig breiðan

Merkilegt að Brynjar gerir sig breiðan og þykist tala af þekkingu um Genspect. Á þeim ráðstefnum talar fólk sem hefur vit á því sem þau segja og hefur ekkert með ,,hatursorðræðu“ að gera eins og hann heldur fram, hvað þá áróður.  Enn ber hann vanþekkingu sína á borð fyrir alþjóð, alveg á silfurfati. Áhugaleysi Brynjars til að stunda rannsóknarblaðamennsku er algert.

Á ráðstefnum Genspect talar fagfólk sem þekkir málaflokkinn, en Brynjar Birgisson með alla sína visku kallar ,,hatursorðræðu“ og áróður.

Meðal þeirra sem tala á næstu ráðstefnu eru;

Lisa Littmann, Physician-Scientist

Lionel Shriver , Author and Jonurnalist

Dr. Stephen Levine, Clinical Proffesor og Psychaiatry

Dr. J.D. Haltigan, Developmental Psychogist and Researcer

Dr. Peter Boghossian, Philosopher and Dedagogue.

Shawn Thierry, Attorney and Child Wlfare Advocate

Dr. Eithvan Haim, Surgeon and Medical Whistleblower

og fleiri og fleiri.

Þúsundir aðgerða á börnum mistókust. Þetta kemur fram í Cass skýrslunni sem jafnframt bendir á skort á vísindalegum sönnunargögnum þegar læknisfræðileg aðgerðum er beitt á börn sem líður illa í eigin skinni.

Þúsundir barna voru svikin. Kynleiðréttingameðferðir barna og unglingar hafa ótrúlega veikar vísindalegar sannanir. Raunveruleikinn er sá að við höfum engar góðar sannanir fyrir langtímaáhrifum meðferðarinnar.

Þetta er dómurinn um núverandi meðferða barna og ungmenna sem kom út í 388 bls. skýrslu sem byggir á fjögurra ára starfi segir Dorte Toft blaðamaður.

,,Það eru fá önnur svið þar sem fagmenn eru eins hræddir við að ræða opinskátt um sjónarmið sín og níðst er á fólki í svo miklum mæli á samfélagsmiðlum og það verður fyrir einelti „ segir í Cass skýrslunni.

Kannski það sé ástæða þöggunar heilbrigðisstarfsmanna á Íslandi. Börn eru frekar sett í tilraunameðferðir í stað þess að tala um sannleikann og afleiðingar af því sem þeir gera börnunum.

Hvar eru íslenskir blaðamenn, af hverju leggjast þeir ekki í rannsóknarblaðamennsku líkt og sá danski til að bera sannleik á borð fyrir þjóðina.

Í Bandaríkjunum kom út samsvarandi skýrsla á dögunum. Til að forða höfundum frá áreiti, morðhótunum, hótun um ofbeldi o.s.frv. var ákveðið að gefa ekki upp nöfn höfunda. Menn hafa lært af reynslunni frá Bretlandi.

Bandaríksa skýrslan og niðurstöður

Aðalniðurstöður var munur á geðröskunum, sérstaklega þunglyndi, kvíða, sjálfsvígshugsunum, líkamsröskun og vímuefnaneyslu, meðal trans einstaklinga eftir aðgerð.

Af rúmlega 100 þúsund sjúklingum sýndu niðurstöður að þeir sem gengust undir skurðaðgerð voru í marktækt meiri hættu á þunglyndi, kvíða, sjálfsvígshugsunum og vímuefnaneyslu en þeir sem fóru ekki í skurðaðgerð.

Karlar sem fóru í skurðaðgerð sýndu hærra algengi þunglyndis (25.4% á móti 11.5%, RR 2.203, P < 0.0001) og kvíða (12.8% á móti 2.6%, RR 4.882, P < 0.0001). Konur sýndu svipaða þróun, með hækkað þunglyndi (22.9% á móti 14.6%, RR 1.563, P < 0.0001) og kvíða (10.5% á móti 7.1%, RR 1.478, P < 0.0001). Kvenkyns einstaklingar sýndu sérstaklega mikla hættu á þunglyndi (RR 1.783, P = 0.0298) og vímuefnaneyslu (RR 1.284, P < 0.0001).

Hér má sjá, að leynt og ljóst er verið að svíkja þúsundir einstaklinga með gervi hugmyndafræði og ýta þeim út í eitthvað í von og óvon um að afleiðingarnar verði ekki slæmar.

Hvatning til blaðamanna

Eina sem íslenska þjóðin getur gert er að vona að blaðamaður eða menn sjái alvarleika í þessum gervivísindum sem beitt eru á börn, þau sett í tilraunarmeðferðir með samþykki stjórnmálamanna.

Nægar forsendur er að skrifa um hið rétta bæði með Cass-skýrslunni og nú þeirra Bandarísku. Að auki má finna fullt af fræðigreinum sem benda á hversu rangt við meðhöndlum börn.

Alvöru rannsóknarblaðamaður lætur svona tækifæri ekki fram hjá sér fara! Eða?

Heimildir má finna hér og hér.